Üna es sgüra: Tar nus nu dvainta que lungurus!

Silvaplauna es situo immez la cuntredgia da lejs da l'Engiadin'Ota e celebrescha il vent da Malögia culs sports nautics ils pü actuels e sia muntagna da chesa «Corvatsch» cul restorant panoramic il pü ot da las Alps Orientlas.

La vschinauncha cun sias trais fracziuns Silvaplauna, Champfèr e Surlej daresa ün scharm viv cun sias pussibilteds da sport ed activiteds multifarias e cun sia spüerta varieda ill'hotellaria e gastronomia.

Cò chatta mincha sportista paschiuneda e sportist paschiuno qualchosa tenor sieu gust: ouravaunt tuot ils surfists e kiteists chi chattan cò cul vent fidaivel da Malögia la megldra spüerta dalöntsch e daspera. Stupendas vias panoramicas e veglias sendas da soma romaunas spordschan ün vair eldorado per bikers ed amatuors da gitas.

Impü es Silvaplauna lö da bgeras occurrenzas da sport populeras, scu per exaimpel l'Engadinwind, l'Engadin Bike Giro u l'Engadin Swimrun. A Silvaplauna es bod tuot pussibel, be na d'avair lungurella.