Admissas sun be barchas cun ün numer chantunel valabel. Per survgnir üna plazza stu gnir preschanto il certificat da la barcha. A nu vegnan pigliedas incunter üngünas reservaziuns telefonicas. A partir dals 1. gün vegnan plazzas da barchas na ütilisedas dedas a fit inavaunt. In seguit nun exista pü üngün dret da pretender ün'otra plazza.

Tenor la ledscha da pas-cha (art. 5 da la ledscha chantunela da pas-cha ed art. 8 e 9 da l'ordinaziun chantunela da pas-cha) stöglian pas-chedras e pas-cheders cumpruver las cugnuschentschas da pas-cha necessarias, e que preschantand il nouv attest da cumpetenzas (SaNa), cur ch'ellas/els retiran üna patenta mensuela u stagiunela al post d'emissiun. Per tuot las patentas stu gnir preschanteda üna carta d'identited. Da piglier in consegna patentas per qualchün oter es be pussibel cun ün attest da domicil valabel dal pas-cheder.

Il formuler da dumanda per patentas da pas-cha stu gnir inoltro almain trais lavurdis aunz il cumanzamaint da la pas-cha. Las patentas giavüschedas vegnan tramissas per posta A.

Las duos plazzas da tennis vegnan custodidas da la Scoula da tennis da Silvaplauna.

Il Freestyle Garden es gnieu inauguro la sted 2022 ed es aviert da meg fin october mincha di da bell'ora. Scha que plouva, vain il parc serro. Aint il Freestyle Garden sun avaunt maun ils seguaints indrizs:

• duos trampolins cun ün landingbag

• ün indriz da skimboard

• ün pumptrack

• üna dry ski slope

Tar Fresk as po cumprer il bigliet e piglier a fit materiel.

Il Lake Silvaplana es ün paradis per kitesurfers. Per persunsas chi vöglian surfer privat cun ün kite sül Lej da Silvaplauna voul que il seguaint:

• üna sgüraunza da respunsabilted cun garanzia in Svizra chi includa explicitamaing il kitesurfing

• üna carta dal di, cumpreda tar la Swiss Kitesurf GmbH, u üna commembranza i'l memberclub

• üna licenza da kitesurfer pel nivel 4 da la VDWS u pel nivel 3J da l'IKO

• bunas abilteds da nuder

• bun equipamaint

• salvamaint: La sted es la barcha da salvamaint adüna pronta per cas d'urgenza. Salvamaints pervi da memma poch vent vegnan fats be in cas excepziunels zieva üna fasa d'observaziun.

• L'access a l'ova es permiss be tar la riva da kite ufficiela.
  

Il Lej da Silvaplauna es trapartieu in differentas zonas pel sport nautic. Quellas haun da gnir respettedas sainza excepziun.

Daspö la prümavaira 2023 sto a disposiziun üna pista da stumpler bobs e skeletons per trener la partenza.

Ulteriuras infurmaziuns seguan.