nav.hidden, nav ul [x-cloak], nav ul li ul { display: block !important; } Diese Website funktioniert am besten, wenn JavaScript aktiviert ist.

Zum Inhalt springen

Cookies 🍪

Diese Website setzt zustimmungspflichtige Cookies ein.

Funktional Funktionale Cookies sind für die Funktionsfähigkeit der Website notwendig. Diese Cookies Können nicht deaktiviert werden. Analyse Analyse-Cookies helfen Webseiten-Besitzern zu verstehen, wie Besucher mit Webseiten interagieren, indem Informationen anonym gesammelt und gemeldet werden. Werbung & Tracking Marketing-Cookies werden verwendet, um Besuchern auf Webseiten zu folgen und ggf. relevante Werbung anzuzeigen.

Dumando suvenz

Wo befinden sich die Defibrillatoren auf dem Gemeindegebiet von Silvaplana?

Die Standorte können hier eingesehen werden.

Welche Dokumente oder Unterschriften kann ich in Silvaplana beglaubigen lassen?

In Silvaplana können Sie Folgendes beglaubigen lassen:

Dokumente
öffentliche Urkunden
Unterschriften

Eine Beglaubigung kostet CHF 30.00.

Bitte wenden Sie sich für eine Beglaubigung an die Gemeindekanzlei Silvaplana:

Telefonische Erreichbarkeit
Montag – Freitag
09.00 – 11.00 Uhr / 14.00 – 17.00 Uhr
T +41 81 838 70 72 (Hauptnummer)
kanzlei@silvaplana.ch

Inavous

Reservaziuns da locals

A Silvaplauna as po piglier a fit differents locals. Cò chatta Ella/El üna survista da tuot ils locals disponibels.

Chamanna Paravicini

La Chamanna Paravicini es üna chamanna da god prüveda chi po gnir piglieda a fit da la vschinauncha per differentas festas.

Davaunt la chamanna as rechatta ün föcler public, baunchs e maisas chi paun eir gnir nüzzagedas.

Pels iffaunts spordscha la plazza da giuver da god e'l pro bger lö per giuver e fer baldori.

Davent dal parkegi Surlej as drouva circa desch minuts per river tar la chamanna. Ella spordscha lö per var 30 persunas.

Cuaint ho que ün cheminé, üna pitschna chadafö (vaschella per 30 persunas) cun üna pigna da lain ed ova currainta choda e fraida, forza electrica ed installaziuns sanitarias. Laina dad arder es eir avaunt maun. L'access cul auto es proibieu.

Infurmaziun e reservaziun

Administraziun d'immobiglias da la vschinauncha da Silvaplauna
+41 81 838 70 80

Reservaziuns stöglian gnir fattas adura.

Surdeda e restituziun da la Chamanna Paravicini vegnan fixedas tar la reservaziun.

Adressa

Adressa
Via dal Crap Alv 20
7513 Silvaplauna-Surlej
Lö

A pè as riva dal parkegi Surlej in circa 10 minuts tar la chamanna.

Uorden da chesa

L'uorden da chesa es part dal contrat da fittaunza.

Uorden da chesa da la Chamanna Paravicini

Access cul auto

L'access cul auto es proibieu. Per occurrenza as po dumander tar l'administraziun cumünela da Silvaplauna maximelmaing ün permiss d'access cul auto pel transport da materiel.

Il permiss cuosta CHF 10.-.

D'inviern vain la via d'access per regla sgumbreda, ma sainza garanzia.

Istorgia

Da pü bod eira la Chamanna Paravicini ün talvo vegl cun üna pitschna part d'abiter chi d'eira drizzed'aint be s-chars cun ün föcler per cuschiner. Siand cha la chamanna eira per ir in muschna, è'la gnida sbudeda e refabricheda dal 1976. La chamanna ho clappo il nom «Paravicini» dal pester chi la vaiva ütiliseda lönch. Grazcha a püs renovamaints i'ls ultims ans es la Chamanna Paravicini dvanteda üna chamanna prüveda e funcziunela.

Renovamaints:

1976 La chamanna falambra vain sbudeda e refabricheda.
1995 nouvas chadregias e maisas
1996 forza electrica ed üna tualetta cun ova e chanalisaziun
1997 nouv fuonz ed ova choda (boiler) per la chadafö
2002 nouv bügl artistic davaunt la chamanna
2007 nouvas maisas e nouvs baunchs davaunt la chamanna

Predschs

Lündeschdi fin e cun venderdi

indigens e seguondindigens da Silvaplauna = CHF 100.00/occurrenza
societeds da la Regiun Malögia = CHF 100.00/occurrenza
persunas d'utrò (chi nu pejan impostas a Silvaplauna) = CHF 200.00/occurrenza
chaschun commerciela = CHF 300.00/occurrenza

Fin d'eivna

indigens e seguondindigens da Silvaplauna = CHF 100.00/occurrenza
persunas d'utrò (chi nu pejan impostas a Silvaplauna) = CHF 300.00/occurrenza
chaschun commerciela = CHF 400.00/occurrenza

Il permiss d’access cul auto (CHF 10.00) e’l depot (CHF 50.00) nu sun cumprais.

Freestyle Work Space

In tschercha d'ün co-working-space?

Il Freestyle Work Space spordscha spazi taunt per tuot il nouv scu eir pel vegl cumpruvo, per idejas innovativas e böts cumünaivels.

Cò paun avair lö inscunters, seminars, evenimaints culturels e sociels – independentamaing dal context professiunel.

Düraunt las uras d'avertüra po gnir lavuro gratuitamaing al plaun terrain e'l plaun suotterraun – cun WLAN svelt. Lö ho que, fintaunt ch'el nun es occupo. Ils locals paun eir gnir piglios a fit exclusivmaing.

A disposiziun staun üna maschina da cafè scu eir ün automat da bavrandas e snacks.

Survista da la spüerta:

Locals e spüerta

Work and Chill for free
Big Table Silvaplana
Tresor
All-in

Ulteriuras infurmaziuns

Uras d'avertüra

Stagiun:
lündeschdi - sanda da las 08.00 a las 18.00
dumengia da las 14.00 a las 18.00

Stagiun morta:
lündeschdi - venderdi da las 08.00 a las 18.00
serro la sanda e la dumengia

Reservaziuns dadour las uras d'avertüra
Cunter ün augmaint da CHF 40.- as po piglier a fit il Freestyle Work Space eir dadour las uras d'avertüra. Dumandas paun gnir inoltredas via reservation@freestyleworkspace.ch.

Disponibilted

Tar events u occurrenzas privatas nu paun ils locals gnir druvos individuelmaing. Grazcha per l'incletta! I'l chalender as chatta üna survista da las reservaziuns exclusivas.

CONSULTER LA DISPONIBILTED

Lö e contact

Freestyle Work Space
Via dal Farrer 2
7513 Silvaplauna

t +41 81 838 70 90
info@freestyleworkspace.ch

Reservaziun da locals

Reserver cò ün local

Predschs

Ils locals paun gnir piglios a fit ad uras, per ün mez di (da las 08.00 a las 13.00 u da las 13.00 a las 18.00) u per tuot il di (da las 08.00 a las 18.00).