Senioras e seniors

Vuless Ella rester activa/El rester activ eir zieva la vita professiunela? Ho Ella/El üna dumanda davart l'organisaziun da la vita ill'eted avanzeda? U es Ella/El in tschercha d'üna soluziun d'abiter adatteda a l'eted? Silvaplauna es üna vschinauncha attractiva per glieud attempeda. Ella/El chatta in seguit tuot las infurmaziuns cha's drouva per mner eir scu seniora u senior üna vita satisfacenta a Silvaplauna.

Proget da generaziuns

Dapü davart il proget da generaziuns

Scu seniora u senior a Silvaplauna ho Ella/El la pussibilted da's parteciper activmaing al proget da generaziuns. Üna cumischiun metta insembel eir per Ella/El ün program vario, scu per exaimpel la maisa da gianter u inscunters sociels cun giuven e vegl.

Per ch'Ella/El as possa mouver sgür e sainza retgnentschas ill'eted avanzeda, vainsa – sper bgeras sendas per ir a spass – installo aposta per Ella/El üna plazza da giuver da generaziuns illa Via Munterots. Nus La/Al giavüschains bun divertimaint!

Centers d'attempos

Chesa da fliamaint Promulins Samedan

Centro Sanitario Bregaglia

Center da Sandà Engiadina Bassa

Center da Sandà Val Müstair

Nu's sainta Ella/El pü sgür/-a a chesa? S'interessa Ella/El per l'abiter assistieu u residenzas d'attempos? In Engiadin'Ota do que il center d'attempos Promulins a Samedan. Scu spüerta cumplementera do que in Bergiaglia il Centro Sanitario Flin, a Scuol il Center da sandà Engiadina Bassa, illa Val Müstair il Center da Sandà Val Müstair.

Il Post da cussagliaziun per l'eted avanzeda e la sandet in Engiadin'Ota La/Al cussaglia illas dumandas multifarias in connex cul tema 'gnir pü vegl'.

Center d'attempos Promulins a Samedan

La Chesa da fliamaint Promulins a Samedan es üna chesa da fliamaint da dret public per umauns da l'Engiadin'Ota e contuorns chi drouvan sustegn e fliamaint.

Dmura – abitaziuns per attempos

In december 2003 haun ils prüms fittadins pudieu fer müdeda in ün'abitaziun per attempos illa Dmura e viver lo da quinderinvi in möd autonom tenor il motto «in cumpagnia, na sulet». La Dmura spordscha ün local da cumünaunza, la Dmuretta. Lo haun lö regulermaing occurrenzas scu la maisa da gianter, sairedas da film u prelecziuns. Ad es pussibel da fer adöver dals servezzans da la Spitex ed eir il custodi es adüna darcho in chesa e po gnir contacto in cas da bsögn. Culla Societed cooperativa per la construcziun d'abitaziuns Dmura dispuona Silvaplauna da ses abitaziuns.

Piglier a fit ün'abitaziun per attempos

Chi chi voul piglier a fit ün'abitaziun per attempos, stu accumplir las seguaintas cundiziuns:

esser ill'eted da pensiun
posseder almain duos aczias da la societed cooperativa
avair il prüm domicil a Silvaplauna (domicil da dret civil e da dret fiscal)

Prospect Dmura

Uorden da chesa da la Dmura

Plauns Chesa Dmura

Formuler d'annunzcha per aczias

Precedenza per üna fittaunza haun

interessos chi sun già sülla glista d'aspet
abitants da Silvaplauna
persunas chi s'annunzchan causa ün inserat public

Suprastanza da la Societed cooperativa Dmura

Clarita Wyss – presidenta e rapreschantanta da la suprastanza cumünela da Silvaplauna
Rosmarie Lisignoli - finanzas
Uschi Giger – fats sociels ed occurrenzas
Urs Schurte - mantegnimaint
Franzisca Giovanoli - actuariat

Suprastanza Dmura

Statüts

Contact

Franzisca Giovanoli

Du Lac – Center d'attempos a San Murezzan (a partir da la fin dal 2024)

Las vschinaunchas da Segl, Silvaplauna e San Murezzan realiseschan insembel il Center d'attempos Du Lac cun chesa da fliamaint, abitaziuns per attempos ed üna garascha suotterauna publica a San Murezzan. Zieva Pasqua 2021 haun cumanzo las lavuors da fabrica a San Murezzan Bagn. Scha tuot vo seguond ils plauns, schi vain il Center d'attempos Du Lac inauguro d'utuon 2024.

Annunzcha

L'annunzcha vain fatta tar la vschinauncha da San Murezzan.

Duonna Nicole Buess
Servezzans sociels
Via Maistra 12
7500 San Murezzan

t +41 81 836 30 12
nicole.buess@stmoritz.ch

Per l'annunzcha voul que las seguaintas indicaziuns:

nom, prenom
data da naschentscha
partenari
adressa
e-mail e/u numer dal telefonin
situaziun d'abiter actuela
motiv per l'interess
fliamaint schi/na

Ulteriuras infurmaziuns

Ulteriuras infurmaziuns survain Ella/El tar la vschinauncha da San Murezzan e cò.

Pro Senectute

Ho Ella/El dabsögn da sustegn in sieu minchadi? Il Post da cussagliaziun Grischun dal Süd da la Pro Senectute a Samedan güda gugent cun pled e fat.

Post da cussagliaziun Grischun dal Süd da la Pro Senectute
Via Retica 26
7503 Samedan
t +41 81 300 35 50

info@gr.prosenectute.ch
prosenectute.ch

lündeschdi – gövgia: 9.00 – 11.30 e 14.00 – 16.30
venderdi: 9.00 – 11.30, il zievamezdi tenor cunvegna

Post da cussagliaziun per l'eted avanzeda e la sandet in Engiadin'Ota

L'an 2011 es gnieu fundo il Post da cussagliaziun per l'eted avanzeda e la sandet in basa ad ün'iniziativa da las vschinaunchas d'Engiadin'Ota. Il post da cussagliaziun es affilio a la Fundaziun pel provedimaint da sandet d'Engiadin'Ota (FPSEO). Sieu böt principel es da spordscher a persunas attempedas e lur confamiliers ün sustegn vast in connex cullas differentas sfidas dal gnir pü vegl. Scha bsögn fo, L'intermediescha la cusgliedra u il cusglieder a posts specialisos.

Post da cussagliaziun per l'eted avanzeda e la sandet in Engiadin'Ota
Suot Staziun 7-9
7503 Samedan
t +41 81 850 10 50

info@alter-gesundheit-oberengadin.ch
Post da cussagliaziun per l'eted avanzeda e la sandet in Engiadin'Ota (alter-gesundheit-oberengadin.ch)

lündeschdi – gövgia: 9.00 – 11.30 e 14.00 – 16.30
venderdi: 9.00 – 11.30, il zievamezdi tenor cunvegna

Filiela grischuna da la SVR

Tuot las infurmaziun davart la SVR (sgüraunza per vegls e relaschos) chatta Ella/El cò.

Cookies 🍪

Senioras e seniors

Proget da generaziuns

Centers d'attempos

Center d'attempos Promulins a Samedan

Dmura – abitaziuns per attempos

Du Lac – Center d'attempos a San Murezzan (a partir da la fin dal 2024)

Pro Senectute

Post da cussagliaziun per l'eted avanzeda e la sandet in Engiadin'Ota

Filiela grischuna da la SVR

Proget da generaziun e progets da scoula

Societeds

A chesa

Il Postigliun dal Güglia