Mobilited

L'electrobus penduler gratuit «Silvaplauna – Surlej – pendiculera da Corvatsch» cursescha düraunt las stagiuns da sted e d'inviern i'l tact da 20 minuts traunter Silvaplauna e la pendiculera da Corvatsch a Surlej. Düraunt la posa da mezdi da las 11.55 a las 12.55 nu vo üngün bus.

Vendita da bigliets da sted e d'inviern pel tren d'autos «Vereina»

Abitants cun domicil da dret civil illa vschinauncha da Silvaplauna paun cumprer bigliets electronics a predsch redot (veiculs fin max. 3.5 t e max. nouv plazzas da tschanter) per viedis tres il tunnel dal Vereina.

Per persuna paun gnir cumpros maximelmaing och bigliets electronics a la vouta. Ils bigliets electronics paun gnir retrats tar la vschinauncha. Els sun persunalisos e cotres na transferibels. La Viafier retica s'arsalva da controller ils documaints d’identited. Ils bigliets electronics haun da gnir preschantos tar la controlla da bigliets.

La tariffa importa a partir dals 1. schner 2020 CHF 26.00.– per viedi. Ils bigliets electronics sun valabels düraunt ün an a partir da la cumpra. Tals bigliets electronics nu vain pü disferenzcho traunter tariffa da sted e tariffa d'inviern.

Persunas chi viagian suvenz tres il Vereina paun cumprer cartas da valur a predsch redot directamaing tar la Viafier retica. Ulteriuras infurmaziuns davart il tren d'autos chatta Ella/El cò.

Culla PIZcard 365 paun las abitantas e'ls abitants da Silvaplauna ütiliser a predsch redot ün an a l'inlungia las telefericas d'Engiadin'Ota. La carta as po cumprer tuot an. Ella es valabla düraunt 365 dis. Nouv po l'abunamaint annuel gnir cumpro online i'l shop da vacanzas.

La vschinauncha da Silvaplauna nu venda üngünas cartas dal di. Ma ch'Ella/El nu's fatscha pissers: Cò es üna glista da tuot las vschinaunchas chi vendan cartas dal di – eir varquauntas in vicinanza directa.

Parkegi cun duos uras da parker centrelas culla pussibilted da pajer in francs svizzers (CHF) u culla carta da credit. 56 plazzas da parker plus üna plazza da parker per persunas impedidas.

Maximelmaing 14 uras
CHF 1.- per ura

Parkegi cun 65 plazzas da parker cun ün'ura da parker centrela.
Ad es pussibel da pajer cun francs svizzers (CHF) u culla carta da credit.

Oblig da pajer taxas mincha di da las 07.00 a las 19.00.

Fin 2 uras gratuit cunter registraziun,
mincha ulteriura ura CHF 1.-

Parkegi per var 70 veiculs cun ün'ura centrela.
Ad es pussibel da pajer cun francs svizzers (CHF) u culla carta da credit.

Oblig da pajer taxas mincha di da las 07.00 a las 19.00.

Fin 2 uras gratuit cunter registraziun,
mincha ulteriura ura CHF 1.-.

Il parkegi es aviert be da sted.

Parkegi gratuit per max. 24 uras.

• Containers da transport ed oters utensils nu paun pü gnir deponieus sül parkegi Foppas Surlej.

• Per veiculs da passa 3.5 tonnas e remuorchs chi vegnan parcos lo sur not voul que ün permiss. Quel as po cumprer tar la vschinauncha da Silvaplauna.

• La taxa per not e veicul importa 20.--.

• Persunas chi parcan sainza permiss düraunt la not vegnan denunzchedas tar la Pulizia chantunela.

La chesa da parker Munterots dispuona da var 280 plazzas da parker publicas, tschinch da quellas per persunas cun impedimaint da chaminer ed üna cun staziun per charger veiculs electrics ed ibrids.

Illa chesa da parker vela ün'otezza da passagi da 2.40 m, cun excepziun da la part suot dal plaun «Banana» e las ses plazzas da parker illa part davous dal plaun giosom «Pesch». In tuot la chesa da parker es que proibieu da laver ils autos e da druver ils uders da stüzzer fö per fer que.

Ad es pussibel da pajer in francs svizzers (munaida e notas), cun euros (notas) e cullas seguaintas cartas: Postcard, EC, Eurocard/Mastercard, Visa ed American Express.

Per bigliets pers vegnan miss in quint CHF 40.– per la lavur impundida plus ils cuosts da parker.

Gratuit fin 1 ura

Ils permiss da parker paun gnir pustos per 7, 15 u 31 dis.

Quists permiss sun valabels pels parkegis tar l'implaunt da protecziun civila, tal center da surf (be da sted), tar la punt a Surlej e tar la Chesa cumünela (sün quist parkegi nu po però gnir parco permanentamaing).

Cul bigliet as po directamaing zieva la prüm'entreda ir tar la cassa e fixer e pajer la düreda da parker. A disposiziun staun las seguaintas opziuns:

1 di CHF 16.50

2 dis CHF 31.–

3 dis CHF 46.–

4 dis CHF 56.50

5 dis CHF 71.–

6 dis CHF 78.–

1 eivna CHF 88.50

2 eivnas CHF 160.–

3 eivnas CHF 206.50

*Üngün dret sün üna plazza da parker fixa, a nun es pussibel da reserver plazzas.

Cartas stagiunelas u annuelas as po cumprer tuot an al fnestrigl da la vschinauncha da Silvaplauna. A disposiziun staun las seguaintas cartas:

Carta annuela CHF 1400.–

Carta stagiunela december fin avrigl CHF 800.–

Carta stagiunela gün fin october CHF 700.–

*Indigens e possessuors da seguondas abitaziuns survegnan ün rebass.