Büro da turissem
Turissem Silvaplauna
Silvaplauna turissem es respunsabel per la spüerta turistica da la vschinauncha da Silvplauna. Las intrapraisas localas coordineschan lur servezzans e preschaintan pauschelas. A vegnan organisos regulermaing pitschens e grands events per spordscher a giasts ed indignens augmaint da valur.
Sectur d'incumbenzas
- Planiser ed organiser events
- Furmaziun da la spüerta
- Printmedias
- Chürer la "Webseite"
- Custodir medias socielas
- Lezchas da marketing
- Esser cò pels collavuratuors da las medias
- Partenedi da medias
- Büdscheter turissem
Prodots da Silvaplauna turissem
Silvaplana Explorer
CSilvaplauna es cuntschaint per sia diversited. Ch'Els as persvadan svess da que ed as laschan surmner da la richa spüerta. Ses lös cun vista particulera e sün ses gitas circuleras as observa las bellezzas da la natüra. Las gitas paun dürer ses uras u eir be 40 minuts. Minchün po tscherner sia.
Festa Granda
Als 1. avuost, la Festa naziunela svizra, vain organiseda la Festa Granda. Tar la veglia plazza da glatsch a la riva dal Lej Suot, vain miss sü üna granda tenda. La gastronomia indigena e las societeds localas pissereschan pel bain corporel, pels iffaunts do que bgeras attracziuns, musica live accumpagna düraunt la festa, ils fös artificiels nu paun mancher, a la Festa Granda s'inscuntran giasts ed indigens.
Stöckli Skiplausch
La spüerta pauschela" Stöckli, gaudi süls skis" s'ho furmeda culla collavuraziun da gestiuns localas. Ella cumpiglia pernottaziuns a l'hotel, pass da skis, test da skis ed instrucziun da carving tar la spüerta
Infurmaziun Silvaplauna turissem
Tar la Plazza dal Mastrel, illa chesa da la BCG, as rechatta il post d'infrurmaziun da turissem «i-Lounge 3303» . Cò as survain infurmaziuns chi concernan la vschinauncha, la regiun, activiteds, arrandschamaints, chosas remarchablas. Prospects sun exposts, e differnets artichels paun gnir cumpros. Barbara Rosina e sieu team staun a lur dispusiziun tar dumandas davart abitaziuns da vacanzas, e chambras d'hotel e piglian in consegna lur reservaziuns.