Controlla d’abitants

Annunzcha

Ch'Els annunzchan persunelmaing la müdeda da domicil infra 8 dis zieva avair fat müdeda.

Documaints necessaris per Svizzers:

• Attest da vschinedi
• Ev. cudaschin da famiglia
• Copcha da la carta da la chascha d'amalos
• Carta da legitimaziun RVR
• Pel sogiuorn da la fin d'eivna basta l'attest da vschinedi
• Taxas per l'annunzcha fr. 15.- per persuna/famiglia

Dmurant a Silvaplauna düraunt l'eivna

• Che voul dir dmura düraunt l'eivna?
• Che premissas voul que per avair dmura düraunt l'eivna?
• Dmurantas düraunt l'eivna nun haun in princip domicil a Silvaplauna

La situaziun da lavur u la scolaziun sun il motiv dad avair ün seguond lö da domicil. Dmurantas düraunt l'eivna staun a Silvaplauna be in dis da lavur u scolaziun. Pel temp liber stöglian ellas turner in lur lö da domicil. A Silvaplauna es la dmura düraunt l'eivna limiteda stagiunelmaing, que voul dir cha als 30 avrigl ed als 30 settember stu il permiss gnir renovo e cuosta mincha vouta fr. 15.-

Dmuras düraunt l'eivna sun normelmaing be soluziuns passageras.

Che documaints drouvan persunas da naziunalited estra?

• Pass valabel (per persunas da l'UE/EFTA basta la carta d'identited)
• Carta da legitimaziun dad esters (scha quella es avaunt maun), uschigliö üna fotografia da pass
• Dumanda pel permiss da domicil suottascritta dal patrun
• Formuler A1 tar naziunalited UE/EFTA
• Legitimaziun SVR (AHV) sch'ella es avaunt maun
• Chascha d'amalos cumpruveda (indicaziun:www.bag.admin.ch)
• Adressa a l'ester

Cò chattan Els ils formulers per as annunzcher tar la vschinauncha da Silvaplauna.

Annunzcha da partenza

L'annunzcha da partenza stu gnir inoltreda persunelmaing 15 aunz cu partir.

Documaints necessaris per Svizzers:
- Quittaunza dals documaints deponieus

Documaints necessaris per persunas da naziunalited estra:
- Attest da l'ester
- Ulteriuras infurmaziuns: www.afm.gr.ch (uffizi per migraziun e dret civil)