Prevenziun dad accidaints BFU

Il delegio da sgürezza "bfu"

Il post da cussagliaziun svizzer per la prevenziun dad accidaints "bfu" es üna fundaziun privata. Sia lezcha leghela es da praster sgürezza i'l sectur chi nu tuocha tar la lavur professiunela: in chesa, üert, i'l temp liber, trafic sün via e sport. Daspö il 1973 collavureschan las vschinaunchas culla bfu cun var 1200 delegios da sgürezza, chi surpiglian las lezcha sper il mister.

Walter Thommen es il delegio da sgürezza per la vschinauncha da Silvaplauna.

Ils delegios da sgürezza sun las persunas da contact per dumandas da sgürezza dal trafic sün via sustegnan la prevenziun dad accidaints tal sport e cussaglian tar dumandas da lavuors in chesa, üert, temp liber. Scu maun dret da la bfu sun els il post da contact, da colliaziun per la populaziun, uffizis, instituziuns e societeds. Lur lezcha centrela es da cusglier, infurmer e motiver per sensibiler per la prevenziun dad accidaints e der cussagls per la sgürezza. Ils delegios elimineschan maungels da sgürezza ed infurmeschan ils posts respunsabels. Ils delegios da sgürezza sustegnan las acziuns da la bfu da tuot la Svizra ed as partecipeschan a retscherchas. Tar lur lavur multifara vegnan els accumpagnos da specialists da la bfu, e vegnan regulermaing scolos inavaunt.

Cul sustegn dals delegios as voul redür ris-chs ed augmanter la sgürezza da la populaziun.

Il delegio per sgürezza es la persuna da fiduzcha sch'els haun problems da prevenziun d'accidaints chi nu staun in connex cun lur mister.