generaziuns

Eir a Silvaplauna vivan giuven e vegl pü u main intenisv insembel. Il contact direct es displaschaivelmaing suvenz pitschen. La pussibilited da profiter vincendaivelmaing es, tenor nos'opiniun, però deda e granda. La suprastanza da la vschinauncha da Silvaplauna ho perque tschernieu la cumischiun "generaziuns". La cumischiun vain mneda da Clarita Wyss, respunsabla illa suprastanza. La mnedra da scoula, Jasmin Koch e la chanzlista Franzisca Giovanoli faun eir part da la cumischiun. Per elavurer ün program interessant e vario sun clappa la cumischiun sustegn da Gabriela Eberhart (Canorta e gruppa da gö Silvaplauna), David Zimmermann (rapreschantant dals giuvens), Giovanni Manzoni (competenzas pel futur), Ottilia Christoffel (Pro Senectute), Susanne Wöcke (societed Fronids), ün depüto da la societed Avegnir e'l ravarenda Patrice Baumann da refurmo.

Il böt da la cumischiun es da s-chafir üna spüerta varieda ed interessanta per tuot las abtiantas e tuot ils abitnats da Silvaplauna. Il program dal proget "generaziuns" dess mner insembel a glieud da differentas eteds, spordscher bels mumaints in cumpagnia e der la pussibilited d'imprender qualchosa nüzzaivel pel minchadi.

Il program, chi vela intaunt fin la fin da marz 2023 vaint tramis in tuottas chesedas. Il program es aviert per tuots - intaunt cha nu sto üna limitaziun d'eted.

Sch'Ella es interesseda/sch'El es interesso vi d'üna spüerta u sch'Ella/sch'El ho üna dumanda, sto la chanzlista Franzisca Giovanoli fich gugent a dispusiziun tel. +41 81 838 70 99.
Annunzchas per las varias spüertas sün d'inoltrer fin almain 5 dis aunz l'evenimaint tar la chanzlista.

Grazcha fich e bun divertimaint!