Infurmaziuns nüzzaivlas davart il tema immundizchas  

Sper il reciclagi correct sun importantas eir las imsüras per eviter immundizchas e per reütiliser prodots. Que muossa la piramida d'immundizchas.

Il model da l‘economia circulera ho il böt da lascher circuler ils prodots e’l materiel uschè lönch scu pussibel. Cotres vegnan consümedas damain materias primaras e materias secundaras in conguel cul sistem lineer da l‘economia tradiziunela.

Illa pratcha significha quecò – sper il recicler – cha’s consüma consciaintamaing damain e cha’s parta, repara u reütilisescha prodots. Uschè po l’economia d’immundizchas dvanter pü ecologica.

Silvaplauna promouva il svilup da l’economia circulera. La populaziun vain sensibiliseda per l’adöver radschunaivel da las resursas. La vschinauncha sustegna ün agir oriento vers l’avegnir illa regiun e metta accents a lungia vista.