Biblioteca

Tar la spüerta da nossa scoula tuocha üna pitschna, ma stupenda biblioteca da scoula. Dad imprender nossa lingua e l’imprender a ler sun cumpetenzas da basa cun las quelas nus gnins confruntos di per di. La spüerta dad üna biblioteca da scoula promouva e sustegna l’imprender a ler ed approfundescha la cumpetenza da ler da noss iffaunts. Ler evra nouvs muonds, schlargia nos orizont e nos savair, stimulescha nossa fantasia ed es ün passatemp cun sen.

Il sortimaint actuel cumpiglia a las medias seguaintas:
Cudeschs da purtrets e cudeschs documenters pels pü giuvens, cudeschs per la prüma lectüra, romans e raquints, serias, comics, cudeschs documenters davart differents temas, ouvras da consultaziun, cudeschs da purtrets e d’iffaunts in lingua rumauntscha, qualche cudeschs da purtrets in lingua portugaisa e taliauna, cudeschs auditivs